Documentaire De Wonderboom op Aruba

Arte Contemporaneo cu artista Felix de Rooy y Tanja Fraai

Diamars, 11 di november, di 7.30-10.00 di anochi na Biblioteca Nacional Aruba, Oranjestad lo tin presentacion di e conocido artista Felix de Rooy. Felix de Rooy lo presenta un powerpoint den cual e lo trata e obranan “Ego Documenta” y tambe e obra “Curaçao Classics”. Felix de Rooy ta un artista multdisciplinario y ta conoci y renombra rond mundo como un gran artista den arte visual. E ta un persona pasiona y a crea arte den 6 disciplina manera entre otro actor, arte plástico, cineasta, autor y curator di diferente exposicion. Tambe lo tin presentacion di Tanja Fraai, periodista y productor di documental. Tanja Fraai for di Hulanda lo presenta e documentario cu el a produci titula ‘De Wonderboom’ cu ta trata bida y obra di e conocido pintor antiyano Jose Maria Capricorne, su estancia na Corsou, Hulanda y Rio de Janeiro. Mirto Lacle lo duna un introducción di un obra di Felix de Rooy. Renwick Heronimo, conocido curator Arubano, tambe lo ta presente pa dirigi e Q&A. A haci un esfuerso grandi pa trece Felix de Rooy Aruba, pues ta invita pueblo en general pa no perde e oportunidad aki y pa ta presente e anochi aki. Entrada: gratis